இலங்கை தமிழ் வானொலி வரலாற்றில் புதிய உதயம்.

ஓரிரு வாரங்களில் தனது உத்தியோகபூர்வ ஒலிபரப்பை ஆரம்பிக்கவுள்ள வெற்றி எப் எம் பரீட்சார்த்த ஒலிபரப்பின் மூலம் தற்பொழுது நேயர்களை கவர்ந்து வருகிறது. பாடல்களைத் தொடர்ச்சியாக ஒலிபரப்பும் அதேவேளை, முக்கிய கிரிக்கெட் போட்டி நடைபெறும்வேளைகளில் ஸ்கோர் விபரங்களை தமிழில் உடனுக்குடன் வழங்கியும் நேயர்களை உற்சாகப்படுத்திவருகிறார்கள். பரீட்சார்த்த ஒலிபரப்பின் அடுத்த கட்டமாக காலைவேளையில் அன்றைய தினசரிப் பத்திரிகைகளின் மீதான கண்ணோட்டத்தையும் அடுத்த சில தினங்களில் ஆரம்பிக்கவிருப்பதாகவும் தெரியவருகிறது.