Pages

Thursday, December 31, 2009

வெற்றி FM குடும்பத்தின் புத்தாண்டு வாழ்த்துக்கள்!




2010 புத்தாண்டிலும் புதுமைப்படைக்கப்போகும் உங்கள் வெற்றி வனொலியின் அறிவிப்பாளர்கள் என்றும் வெற்றிக்கு வெற்றியாய் இருக்கும் அன்பு நேயர்களுக்கு தங்கள் வாழ்த்துக்களை தெரிவித்துக்கொள்கிறார்கள்.


வெற்றியின் அன்பு உறவுகளே..
பரபரப்பான பல்வேறு மாற்றங்கள்,திருப்பங்கள்,அனர்த்தங்கள் தந்த ஓராண்டாக 2009 எம்மிடமிருந்து விடைபெற்று 2010 புதிய நம்பிக்கை,எதிர்பார்ப்புக்களோடு உதயமாகிறது.

உங்கள் வெற்றி 2009 இல் ஏராளமான புதிய நகர்வுகள், பாரிய முன்னேற்றங்கள் கண்டுள்ளது.

இவையெல்லாம் உங்கள் அன்பினாலும்,அபிமானத்தினாலும் தான் சாத்தியமானது...
இந்தப் புதிய ஆண்டிலும் வெற்றியின் வெற்றிப் பயணத்தில் உங்கள் ஆசிகளும் ஆதரவுகளும் எங்களுக்குப் பக்கபலமாக அமையும் என்ற நம்பிக்கையுடன் அன்பு நெஞ்சங்கள் உங்கள் அனைவருக்கும் இனிய 2010 புது வருட வாழ்த்துக்கள்..

வெற்றி - 2010 இல் நம்பிக்கையின் புது வெற்றி..

உங்கள் அன்பின்
A.R.V.லோஷன்

2009ம் ஆண்டு யுத்தம் வைரஸ் காய்ச்சல் இயற்கை அழிவுகள் என்று பல கவலை தரும் நிகழ்வுகள் நடந்திருந்தாலும்.

கவலைகளையும் கடந்த கால கஷ்டங்களையும் பிரிந்து போகும் 2009ம் ஆண்டுக்கே சொந்தமாக கொடுத்து வழி அனுப்பி வைப்போம்.


புதிய இலக்குகளுடன் கடந்த ஆண்டில் பெற்ற நல்ல பாடங்களின் உதவியுடனும் இந்த ஆண்டை புதிதாய் ஆரம்பிப்போம்.


மலர்ந்திருக்கும் 2010ம் ஆண்டு அனைத்து விதத்திலும் சகலதும் கிடைக்கும் வருடமாக வேண்டுமென எல்லாம் வல்ல இறைவனை பிரார்த்திப்போம்.


சந்தோசம் விண்முட்ட, சொந்தங்கள் இனிப்பூட்ட
வந்தாடும் வசந்தங்கள் வாழ்த்திட
புத்தாண்டில் புதிய வழி காட்டட்டும்.

2010ம் ஆண்டு சந்தோஷங்களையும் வெற்றிகளையும் தரட்டும். ஏமாற்றங்கள் தோல்விகள் ஏற்படுகின்ற நேரங்களில் உங்களுக்கு கிடைத்த வெற்றிகளையும் சந்தோஷங்களையும் இனி கிடைக்கப்போகும் சந்தோஷங்களையும் வெற்றிகளையும் நினைத்து வாழ்க்கையில் எப்போதும் சந்தோஷத்துடனும் நம்பிக்கையுடனும் வெற்றி நடைபோட வாழ்த்துக்கள்.

வாழ்க்கை எமக்காக எம் சந்தோஷத்துக்காக நான் என்றும் உங்கள் அன்பின் ச.விமல்.



வெற்றி FM நேயர்கள் அனைவருக்கும் மனம் நிறைந்த புதுவருட வாழ்த்துக்கள்.


இரண்டாயிரத்துப் பத்து இனிமையானதாய் அமையட்டும்.
உலகெங்கும் சூழ்ந்திருக்கும் போர் மேகங்கள் விலகி அமைதியின் வெளிச்சம் விழட்டும்.
தன்னம்பிக்கை வலுப்பெறட்டும்.
ஒடுக்கப்பட்ட மக்களது உரிமைகள் கிடைக்கட்டும்.
மனிதத்துக்குரிய மதிப்பை ஒவ்வொருவரும் உணர்ந்து மற்றவருக்கு அளிக்கட்டும்.


'அன்பு' என்ற பதத்தின் அர்த்தத்தை உணரும் - உணர்த்தும் ஆண்டாக இந்த இரண்டாயிரத்துப்பத்து விளங்கும் என்ற நம்பிக்கையோடு மீண்டும் அனைவருக்கும் எனது புதுவருட வாழ்த்துக்கள்.
-பிரதீப்.

புத்தாண்டு வாழ்த்துக்கள் எல்லாம் ஆண்டுகளின் நம்பிக்கையின் ஒரு மீள் பதிவு.........



புத்தாண்டு என்றாலே மகிழ்ச்சி, எதிர்பார்ப்பு, நம்பிக்கை.
பழைய ஆண்டின் விரும்பத்தகாத நிகழ்வுகளோ, கசப்போ இந்த ஆண்டும் தொடரக்கூடாது என்பதே அனைவரின் ஆசை.
அந்த ஆசைகள் அனைத்தும் இந்த ஆண்டு நிச்சயமாக நிறைவேறும்.


வெற்றியின் நண்பர்களுக்கு இனிய புது வருட வாழ்த்துக்கள்.




2009ம் ஆண்டு எதை தந்தது?


இனிப்பாக இருந்தால் எடுத்துக்கொள்வோம்.

கசப்பானவையாக இருந்தால் கைவிடுவோம்.



மலரும் 2010ம் ஆண்டு அனைவருக்கும் மகிழ்ச்சி மிக்க ஆண்டாக அமைய எனது இனிய புதுவருட வாழ்த்துக்கள்.



அனைவருக்கும் இனிமையான 2010இன் புதுவருட வாழ்த்துக்கள்....



இந்த வருடத்தில் உங்கள் அனைவரினதும் கனவுகள் நனவாக வாழ்த்துகிறேன்...
உங்கள் கனவுகள் நனவாக என்றுமே உங்களுக்கு உறுதுணையாக இருக்கும் உங்கள் பெற்றோரை என்றுமே சந்தோஷப்படுத்துங்கள்....

வெற்றியின் இனிமையான புதுவருட வாழ்த்துக்கள்

வைதேகி ஸ்ரீபவன்


காயங்களை மறந்து காலத்தை வென்று
சோதனை முயற்சிகளில் சாதனை படைத்து
மன மகிழ்வுடன் மனைகள் விளங்கிட
வாழ்க்கையின் வெற்றியில் வெற்றியும் கைகோர்க்கும் என்ற நம்பிக்கையில்.

என் பிரியமானவர்களுக்கு உங்கள் ப்ரியமானவனின் வாழ்த்துக்கள்.



2008ல் வெற்றியின் உறவில் புது வரவாகி, வானலையில் இனிய தோழி வனிதாவாக அறிமுகமாகி ஒரு வருட பூர்த்தியை கொண்டாடும் இந்நாளில் 2010ம் ஆண்டையும் வெற்றியோடு வெற்றியின் நேயர்களோடு வெற்றிநடை போட ஆரம்பிக்கிறேன்.



பிறந்திருக்கும் புது வருடம் பூமியில் புது வசந்தத்தை விதைக்கட்டும்.
பார் எங்கும் சந்தோஷ சாரல் வீசட்டும்.
மலர்ந்திருக்கும் புத்தாண்டு மானிட வாழ்வில் சுபீட்சத்தையும் மகிழ்வினையும் அள்ளித்தர இனிய தோழியின் புத்தாண்டு வாழ்த்துக்கள் வெற்றியின் நேயர்களுக்கு உரித்தாகட்டும்





புத்தம் புது ஆண்டு 2010
புதிதாக நீ மலர்வாய்.
நீ வித்தாக தளைத்து விடியலைக் காட்டி முத்தான ஓர் ஆண்டாய் முத்திரை பதித்திடுவாய்.


மலர இருக்கும் 2010 ஆம் ஆண்டு உங்கள் அனைவருக்கும் இனிய ஆண்டாய் மலர வாழ்த்துக்கள்.
நான் உங்கள் அன்பின் ர.டினேஷா



சுவாசத்தில் நுழைந்து இதயத்தோடு இணைந்து உதிரத்தோடு கலந்து அன்பு என்னும் நீரூற்றில் உள்ளங்களோடு இணைந்து கொண்டாடுவோம் புதுவருடம்...

உங்கள் அன்பின் ஆர்.ரஜீவ்

பிறக்கப்போகும் இப் புது வருடத்தில் எம் மனங்களில் ஒரு தீபம் போல என்றும் நம் வாழ்வு பிரகாசிக்க மனமகிழ்ந்து வாழ்த்துகின்றேன்.
பாபு

கடந்த வருட சோக சுவடுகளை வென்று
ஒரு புத்தம் புதிய வருடத்திற்குள் நுழைகின்றோம்........ பிறந்திருக்கும் இப்புதிய அத்தியாயம் சந்தோசங்களை மட்டும் அள்ளிதரட்டும். நேயர்களுக்கு எமது இனிய புதுவருட வாழ்த்துக்கள்.
Firnas

Wednesday, December 30, 2009

மீட்டிப் பார்ப்போம் மீண்டும் வராத வருடத்தை!!!

2009ற்கான பிரியாவிடை உங்கள் வெற்றியில்!!!

2009இன் முடிவில் உங்களோடு சேர்ந்து முற்றுப்புள்ளி வைக்கிறது உங்கள் வெற்றி.

இந்த ஒரு வருட வாழ்க்கையில் ஓராயிரம் மாற்றங்கள் தந்த 2009க்கு பிரியாவிடை கொடுக்கும் சிறப்பு நிகழ்ச்சிகள் December 31 அன்று உங்கள் வெற்றியில்.

இசை ராஜாங்கம் : வாழ்த்துக்களோடு பரபரப்பு

பூ பூக்கும் நேரம் : 2010இன் சந்தோஷ பாதை

விடியல் : 2009ன் இறுதி விடியல்

வினோத வியூகம் : 2009ல் மறக்க முடியாதது

பகல் பந்தி : 2009ல் நீங்கள் ரசித்தவை பரிமாறப்படும்

கற்றது கையளவு : 2009ல் நினைவில் நின்றவை

எங்கேயும் எப்போதும் : இதுவரை நடந்த சிறப்பு நிகழ்ச்சிகளின் சிறப்புத்தொகுப்பு.

காற்றின் சிறகுகள் : 2009 வரமா? சாபமா?

2009 தந்த வெற்றிகள் - எம் வாழ்வின் முன்னேற்றப்படிகள் 2009 தந்த தோல்விகள் - எம் வாழ்வின் முன்னேற்றப்படிகள் என அக மகிழ்வோம்.
வெற்றியின் நேயர்கள் வாயிலாக வெற்றிக்கு வெற்றிகள் பல தந்த 2009ம் ஆண்டை வெற்றிகரமான ஆண்டாக பூர்த்தி செய்வோம்.

December 31 வெற்றியோடு சங்கமிக்கும் சந்தர்ப்பத்தை நழுவவிடாதீர்கள்.

Monday, December 28, 2009

வானலைகளில் பதினோராண்டுகள் ............

அன்புள்ள அண்ணா,

வானலைகளில் பதினோ
ரா ண்டுகள் ............
பாராட்டி குவியும் விருதுகள் ................
நேயர்கள் மனதில் நீங்காத தனியிடம் .........
வானலையின் இளவரசன்.............
எங்கள் வானொலியின் அரசன்...............
வெற்றிகளின் சொந்தக்காரன் .................

கடவுளிடம் குரல் வளம் பெற்றீர்
கடமையில் கண்ணியம் கொண்டீர்
வார்த்தைகளில் நிதானம் கொண்டீர்
பலனாய் மக்களிடம் நல்ல பெயரை கண்டீர்

வாழ்த்துகளும் விருதுகளும் புதிதில்லை உங்களுக்கு .
இன்னும் பல விருதுகள் உங்களை தேடி வர எமது வாழ்த்துக்கள்........


நிச்சயமாக உங்களை வாழ்த்த வயதில்லை எனக்கு
இருந்தும் உங்கள் நலனில் அதிக ஆர்வம் கொண்டோரில் நானும் ஒருவன் என்பதால்
என் வாழ்த்துகளையும் நீங்கள் ஏற்றுக்கொள்வீர்கள் எனும் நம்பிக்கையுடன் உங்கள் அன்புத்தம்பியின்
பணிவான வாழ்த்துக்கள்.........

உங்கள் அன்புத்தம்பி
பிர்னாஸ்

Thursday, December 24, 2009

வெற்றியின் நத்தார்.


தேவபிதா யேசுநாதர் உதித்த திருநாளே இவ் வையத்தார் கொண்டாடும் நத்தார் திருநாள். இந்த நேரத்தில் எங்கள் உறவாக இருக்கும் எங்கள் அன்பான நேயர்களுக்கு இனிய நத்தார் திருநாள் வாழ்த்துக்கள். இந்த சிறப்பு நாளை முன்னிட்டு வெற்றி எப்.எம்மிலும், வெற்றி தொலைக்காட்சியிலும் சிறப்பு நிகழ்ச்சிகள் காத்திருக்கின்றன.

எப்போதும் வித்தியாசமான நிகழ்ச்சிகளை படைத்து உங்களை மகிழ்விக்கும் வெற்றியில் நள்ளிரவு இசை ராஜாங்கத்தோடு சிறப்பு நிகழ்ச்சிகள் ஆரம்பமாகி வாழ்த்துக்களோடு கூடிய பூப்பூக்கும் நேரத்தோடு தொடர்ந்து கிறிஸ்மஸ் விருந்தாக விடியல் தொடர இனிய நத்தாரின் சுவையான சம்பவங்களோடு வினோத வியூகம் உங்களை வலம் வர காத்திருக்கின்றது.

மதிய வேளையில் நத்தார் பரிசுகளோடு இன்ப அதிர்ச்சி தரும் ஒருவருடன் பகல் பந்தி. நத்தார் கொண்டாட்டத்தை நயமுடன் சொல்லும் கற்றது கையளவை அடுத்து நத்தார் தாத்தாவுடன் மாலை நேர எங்கேயும் எப்போதும். இரவிலும் உங்கள் வாழ்த்துக்களை ஏந்திவர வெற்றியின் நத்தார் சிறப்பு நிகழ்ச்சி காத்திருக்கின்றது.

உங்கள் வெற்றி தொலைக்காட்சியில் காலை 11.30ற்கும் இரவு 8. 30 ற்கும் சிறப்பு திரைப்படங்களோடு சிறப்பு நத்தார் நிகழ்ச்சிகளும் காத்திருக்கின்றன. இனிமை தரும் நத்தாரில் வெற்றியின் சிறப்பு நிகழ்ச்சிகளை கேளுங்கள் ரசியுங்கள் கொண்டாடுங்கள்.

வெற்றி
வாழ்க்கைக்கு வெற்றி.

Wednesday, December 16, 2009

இன்றிரவு ஆகாயமுகவரியில்.....



வெற்றியின் காற்றின் சிறகுகளில் ஆகாய முகவரி எத்தனையோ கடிதங்களை தாங்கி வந்திருக்கிறது. ஒவ்வொரு மனிதனின் வாழ்விலும் நடந்த சுகமான சுமையான சம்பவங்கள், அல்லது சொல்லமுடியாமல் சொல்ல நினைக்கும் வார்த்தைகளை உரியவருக்கு அல்லது உரிய பொருளுக்கு அல்லது இடத்துக்கு கடிதம் மூலம் வானொலியில் அஞ்சலிட்டு வந்தோம். வானொலி வரம்புகளை மீறி வரையறைகளை தாண்டி அஞ்சலிடப்படும் கடிதங்களில் இன்று????

வானொலியே ஒரு வானொலிக்கு எழுதும் கடிதம்..... இது நமக்காக நாமே எழுதும் கடிதம்....

எமக்கு வந்த விமர்சனமா?
அல்லது பாராட்டா?
நாங்கள் சந்தித்த சோதனைகள் அல்லது சாதனைகளா?
அல்லது யாருக்காவது ஏதாவது சொல்லப்போகின்றோமா?

இதற்க்கான விடைகளோடு இன்றைய காற்றின் சிறகுகளின் ஆகாயமுகவரி....

Monday, December 7, 2009

காற்றின் சிறகுகளில் புதியவரும் பழையவரும்.

அண்மைக்காலமாக வெற்றியின் காற்றின் சிறகுகள் நிகழ்ச்சியில் விசேட நிகழ்ச்சிகள் ஒலிபரப்பாகி வருகின்றன. அந்த வகையில் இப்போது அடுத்தடுத்து இரு பிரபலங்கள் காற்றலை வழியே உங்களை சந்திக்க வருகின்றனர். 

அந்த வகையில் இன்று ரஜீவுடன் இணையும் காற்றின் சிறகுகளில் இனிய குரலால் இதயங்களை வென்று நடிகராக அவதாரம் எடுத்தும் தன் இதமான குரலாலும் அழகிய தோற்றத்தாலும் உங்களை கவர்ந்த பிரபல் இளம் பின்னணி பாடகர் ஒருவர் உங்களை மகிழ்விக்க இருக்கின்றார்.

நாளை??

சதீஷுடன் வரும் காற்றின் சிறகுகளில் ஒரு சகலகலா வல்லவர். திரைத் துறையில் இவர் ஆதிக்கம் செலுத்தும் துறைகள் பல. இன்றும் இவர் இருக்கும் போதே அவரின் வாரிசுகளும் பட்டையை கிளப்பிக்கொண்டிருக்கின்றார்கள். அந்தளவிற்கு தமிழ் சினிமாவில் தவிர்க்க முடியாத அங்கமாக இருக்கின்றது இவர் குடும்பம்.

இந்த பிரபலங்கள் யார்? என்ன விசேட நிகழ்ச்சி என்பதை அறிய திங்கள் மற்றும் செவ்வாய் காற்றின் சிறகுகளோடு இணைந்திருங்கள். 

Friday, December 4, 2009

வவுனியாவில் வெற்றிக்கிண்ணம்.


உங்கள் இல்லங்கள் தோறும் இனிய இசை பரப்பி உங்கள் இதய வானொலியாக வலம் வரும் உங்கள் வெற்றி எப்.எம் வவுனியாவில் கால்பதித்தவுடனேயே பிரமாண்டமான கால்பந்தாட்ட தொடர் ஒன்றை நடத்த தயாராகிவிட்டது. வெற்றி கப் என பெயரிடப்பட்டிருக்கும் இந்த கால்பந்து திருவிழா இம்மாதம் முழுவதும் வவுனியா கால்பந்து ரசிகர்களுக்கு விருந்து படைக்க காத்திருக்கின்றது.

கடந்த எட்டு வருடங்களாக வவுனியா வைரவபுளியங்குளம் Youngstars விளையாட்டுக்கழகம் ஏற்பாடு செய்து வெற்றிகரமாக நடாத்தி வருகின்றது. வவுனியா மண்ணில் இரவுநேரத்தில் மின் ஒளியில் கண்கவர் விருந்தாக கால்பந்தின் களமாக அமைந்துள்ள வைரவபுளியங்குளம் Youngstars விளையாட்டு மைதானத்தில் வழமைபோல இம்முறையும் பன்னிரண்டு கழகங்களும் ஏழு பாடசாலை அணிகளும் களம் காண இருக்கின்றன. கடந்த மூன்று வருடங்களாக நாட்டில் நிலவிய அசாதாரண சூழ்நிலை காரணமாக இரவுப்பொழுதில் இந்த போட்டிகளை நடத்தமுடியாமல் போய் இருந்தாலும் இம்முறை வெற்றியோடு இணைந்து வெற்றிகரமாக நடத்த Youngstars கழகம் தயாராகிவிட்டது.

இம்மாதம் 7ம திகதி தொடக்கம் 27ம திகதி வரை மாலை ஆறு மணிக்கு ஆரம்பிக்கும் போட்டிகள் இரவுப்பொழுதிலும் அனல் பறக்க இருக்கின்றது. 93.9எப்.எம் வாயிலாக வவுனியா மண்ணில் தேனிசை மழை பொழியும் வெற்றி எப்.எம் வெற்றிக் கிண்ணங்களை வழங்கி சிறப்பிக்க காத்திருக்கின்றது. இலவசமாக் கால்ப்பந்தாட்ட திருவிழாவில் நீங்களும் கலந்து கொண்டு சிறப்பிக்க அன்புடன் அழைக்கின்றோம்.
வெற்றி எப்.எம்
வாழ்க்கைக்கு வெற்றி

Thursday, December 3, 2009

எங்கேயும் எப்போதும் லோஷன்.



உங்கள் வெற்றி வானொலி எப்போதும் வித்தியாசமான நிகழ்ச்சிகளை தருவதில் பின் நிற்பதில்லை. இப்போது தன குடும்பத்திலேயே ஒருவருக்கு விருது கிடைக்கும் பொது பார்த்துக்கொண்டிருக்குமா? இதோ வெற்றிக்குடும்பம் அந்த வெற்றிக்கொண்டாட்டத்தை கொண்டாட தயாராகிவிட்டது.

வானலையில் 11 வருடங்களை தொட்டு இன்று சாகித்திய விருதையும் வென்று சாதனை படைத்திருக்கும் எங்கள் முகாமையாளர் ஏ.ஆர்.வி.லோஷன் அவர்களை சிறப்பிக்கும் வண்ணம் நாளை மாலை எங்கேயும் எப்போதும் நிகழ்ச்சி உங்களுக்காக காத்திருக்கின்றது. எங்கள் உறவு ஒன்று சாதித்த பெருமையில் அதை நினைவு கூரும் ஒரு நிகழ்ச்சி மாத்திரமே இது. எங்கேயும் எப்போதும் பாணியில் சொன்னால் பெரிதாக எதிர்பாராதிங்க ஆனால் பெரிய விசயங்களும் இருக்கு.

வெற்றி அறிவிப்பாளர்களின் பல்முக வாழ்த்துக்களும் இன்னும் முகம் தெரியா சிலரின் குரல்களும் ஒலிக்க இருக்கின்றன. லோஷனின் வானொலிப் பயணத்தின் பாதையும் அவர் தனிப்பட்ட வாழ்க்கையின் சுவாரஷ்யங்களும் ஒன்றாக சங்கமிக்க இருக்கும் எங்கேயும் எப்போதும் நிகழ்ச்சியை கேட்க மறக்காதீர்கள்.

Tuesday, December 1, 2009

உங்களை நெருங்கிவந்த வெற்றி.



தனியார் வானொலிகளில் வெற்றி எப்.எம் தனக்கென்ற ஒரு தனிப்பாதையில் நடை போட்டுவருகின்றது. கொழும்பில் 99.6 F.Mஇல் ஆரம்பித்த வெற்றிப்பயணம் இன்று இலங்கை முழுவதும் கொடிகட்ட ஆரம்பித்திருக்கின்றது. எத்தனையோ சவால்களை சந்தித்து எங்கேயும் எப்போதும் ரசிகர்களின் நாடித்துடிப்பறிந்து ஜொலித்து காட்டியது வெற்றி. மேல்மாகாணத்தில் ஆரம்பித்த குறுகியநாளில் நேய நெஞ்சங்களை கொள்ளையடித்த உங்கள் வெற்றி அதன் அடுத்த கட்ட விரிவாக்கலில் 101.5F.M இல் கண்டியை அடைந்து இன்னிசை மழை தூவியது.

கண்டி நேயர்களின் அளப்பரிய ஆதரவில் வெற்றியின் வெற்றி இன்னும் அதிகரித்தது. நல்ல நிகழ்ச்சிகளை நயம்படத்தந்த வெற்றி, தொடர்ந்து ஊவா,தென்கிழக்கில் 93.6 F.M இல் தன் அடுத்த பயணத்தை ஆரம்பித்தது. தொட்டதெல்லாம் துலங்க ஊவா தென்கிழக்கு வெற்றிக் கோட்டையாக மாறியது.

அடுத்தது எங்கே? யாருக்கு தெரியும் என அத்தனை நேயர்களும் கேட்டுக்கொண்டிருக்க நாளை எங்கே? என்ற கேள்வியுடன் 106.7 F.M இல் நாடு முழுவதும் என்னும் தொனியுடன் தன் கம்பீர அலையை பரப்பியது உங்கள் வெற்றி வானொலி. அதன் பின் யாழ் மண்ணில் 101.5F.M இல் தமிழ் வானொலி என்ற பெருமையுடன் களம் கண்டு யாழ் மக்களின் அன்பான ஆதரவில் அகம் மகிழ்ந்தது. இப்படி சென்ற இடமெல்லாம் ரசிகர் படை...
நாள்தோறும் அதிகரிக்கும் நேயர்கள்.....
ஆரம்பித்து இரண்டு வருடங்கள் கடக்கும் முன் பல சாதனைகள்.....

வெற்றி இலங்கை மண் முழுவதும் தன் ஒலியை ஒலிக்கவைக்க இன்றுமுதல் 93.9 F.M வாயிலாக வவுனியா,அனுராதபுரம்,திருகோணமலை, மன்னார்,பொலநறுவை,குருநாகல் இன்னும் பல பிரதேசங்களில் உங்கள் வாசல்கள் தோறும் வந்திருக்கின்றது.சிலபிரதேசங்களில் ஒலித்தெளிவின்மை இருப்பின் மிக விரைவில் அந்த தெளிவின்மையை சரிசெய்து உங்களை மகிழ்ச்சிப்படுத்துவோம். அதேநேரம் அலைவரிசையின் தெளிவு நிகழ்ச்சிகள் பற்றிய உங்கள் கருத்துக்கள் போன்றவற்றையும் வரவேற்கின்றோம். இதுவரை நாங்கள் உங்கள் ரசனை அறிந்து நிகழ்ச்சிகளை தந்தோம் இனியும் தருவோம் அதேபோல நீங்களும் எங்களுக்கு இதுவரை வழங்கிய ஆதரவை விட பலமடங்கு ஆதரவு தருவீர்கள் என்ற நம்பிக்கையில்.

உலகளாவிய ரீதியில் நீங்கள் கேட்க :www.vettri.lk

உங்கள் மேலான கருத்துக்களுக்கு
SMS:0718996996
T.P:0114560383
Fax:0112304387

வெற்றி எப்.எம்
வாழ்க்கைக்கு வெற்றி.

Monday, November 30, 2009

Flash News - வடக்கு மற்றும் வடகிழக்கில் வெற்றி......

உங்கள் வெற்றி வானொலியின் இன்னொரு மைல்கல் ..........


சற்று முன்னர் முதல் வடக்கு வடகிழக்கு மாகாணத்தில் உங்கள் வெற்றி 93.9 F.M இல்


வவுனியா,
திருகோணமலை,
மன்னார்,
அனுராதபுரம்,
பொலநறுவை,
குருநாகல்.....................................

எங்கும் பறக்கிறது வெற்றிக்கொடி...

சற்று முன்னர்(30.11.2009) முதல் உங்கள் வெற்றி வானொலி மேற்குறிப்பிட்ட பகுதிகளில் ஒலிபரப்பை ஆரம்பித்துள்ளது...

வடக்கு வட கிழக்கு மாகாணங்களில் இந்த அலைவரிசையில் வெற்றியோடு இணைந்திருக்கும் நேயர்கள் ஒலித்தெளிவு தொடர்பாக உங்கள் கருத்துக்களை எங்களுடன் பகிர்ந்து கொள்ளுங்கள்.

E-Mail: vettri@voa.lk
Sms: 0718996996
Fax: 0112304387
T.P:0114560383.

எங்கள் அலைவரிசைகளின் முழுமையான் விபரங்களோடு எமது அடுத்த பதிவை விரைவில் எதிர்பாருங்கள்.

Friday, October 16, 2009

வெற்றி தீபாவளி சிறப்பு நிகழ்ச்சிகள்.

வெற்றியின் வெற்றிக்கு காரணமான அனைத்து நல் உள்ளங்களுக்கும் வெற்றிக் குடும்பம் சார்பாக இனிய தீபத்திருநாள் வாழ்த்துக்கள். எந்த சந்தோசமான நிகழ்விலும் உங்களுடன் கை கோர்க்கும் வெற்றி இம்முறையும் உங்களுடன் கைகோர்க்கிறது.

இதோ இம்முறை உங்களுக்கான சிறப்பு நிகழ்ச்சிகள்.

அதிகாலை 5 மணிக்கு : தீபாவளி விசேட பூப்பூக்கும் நேரம்.

காலை 6 மணிக்கு : மங்கலத் தீபாவளி
(தலை தீபாவளி தம்பதியினருக்கான சிறப்பு தீபாவளி)

8 மணிக்கு : கலகலக்கும் தலை தீபாவளி
(தலை தீபாவளி தம்பதியனருக்கு சிறப்பு தீபாவளி.)

பகல் 1 மணிக்கு : தித்திக்கும் புது மெட்டுக்கள்.
(தீபாவளி கொண்டுவரும் தித்திக்கும் புதுப்பாடல்கள் புதுத்தகவல்களோடு. )

மாலை 4 மணிக்கு : டமால் டுமீல்.
(தீபாவளி கல கல சிறப்பு கலவை. )

6.15 க்கு : அவதாரம் The Real Super Singers
இரவு 9.15 க்கு : நானாட நீயாட தீபாவளி கொண்டாட.
(உங்கள் வாழ்த்துக்கான நேரம். )


அமைதியான தீபாவளியில் அன்பை வளர்ப்போம். - வெற்றியுடன்.!!!

Friday, October 9, 2009

யாழ் மண்ணில் வெற்றி


மக்களின் இதய துடிப்பறிந்து தேவையான நிகழ்ச்சிகளை சிறப்பாக வழங்கி வரும் வெற்றி எப்.எம் இப்போது இன்னுமொரு இலக்காக யாழ்ப்பாணத்திலும் தன் வெற்றிக் கோடியை பறக்கவிட்டுள்ளது. அண்மைக் காலமாக வேகமாக தன் அலைவரிசைகளை அதிகரித்துக்கொண்டு நேயர்களை தன் வசப்படுத்திய வெற்றி இப்பொழுது யாழ் நேயர்களையும் வசீகரிக்க வந்துள்ளது.

101.5 F.M என்னும் அலைவரிசை வாயிலாக ஒலித்துக்கொண்டிருக்கும் வெற்றி எப்.எம் பற்றிய உங்கள் கருத்துக்களை பகிர்ந்து கொள்ளுங்கள். அத்துடன் இதுவரை நீங்கள் எங்களுக்கு வழங்கிய ஆதரவிற்கு நன்றிகளை தெரிவிப்பதோடு தொடர்ந்து உங்கள் நண்பர்கள் உறவினர்களையும் வெற்றியோடு இணைப்பீர்கள் என்ற நம்பிக்கையில் உங்களுடன் கை கோர்க்கின்றோம்.

தொலைபேசி:0114560383

மின் அஞ்சல்:vettri@voa.lk

SMS: 0718996996