Pages

Wednesday, December 31, 2008

புதிய வருடத்தில் புதிய வெற்றி..


 
99.6 F.M, 93.6 F.M, 101.5 F.Mஅலைவரிசைகளில் வலம் வந்து குறுகிய காலத்தில் நேயர்கள் மனதில் அழியாத இடம் பிடித்து வெற்றிக்கொடிகட்டி பறக்கும் வெற்றி F.M புத்தாண்டில் புதுத்தென்புடன் காலடி எடுத்து வைக்கிறது. 
  
ஆரம்பத்தில் வித்தியாசமான படைப்புக்கள் மூலம் நேயர்கள் நெஞ்சில் நுழைந்து இன்று நிலையாக இடம்பிடித்திருக்கும் வெற்றியின் வெற்றியில் பங்கு கொள்ளும் எங்கள் அன்புக்குரிய நேயர்கள் அனைவருக்கும் இதயம் கனிந்த புத்தாண்டு வாழ்த்துக்களையும் நன்றிகளையும் தெரிவித்து கொள்கின்றோம்.
 
அதிகாலைபொழுதில் பூ பூக்கும் நேரம் நிகழ்ச்சியில் சந்துருவும் பூஜாவும் நற்சிந்தனைகளை வழங்கி அன்றைய நாளை நல்ல நாளாக தொடக்கி வைக்க 

வாழ்த்துக்கள், "பேப்பர் தம்பி", "விளையாட்டு வலம்", கஞ்சிபாய், சிங்கபூர் சீலன், லாடு லபக்கு தாஸ், பெஞ்சிபாய்,  என நகைச்சுவை கில்லாடிகளின் நகைச்சுவைகளோடு லோஷன் தரும் விடியல் என்றுமே தமிழ் மக்கள் வாழ்வில் விடியல். புத்தாண்டு அன்று புத்தாண்டு சபதங்களோடும் புதிய விடயங்கNshLம் உங்களை சந்திக்க இருக்கிறது விடியல்.

அதனைத் தொடர்ந்து வித்தியாசமான சுவாரஸ்யமான சம்பந்தமே அற்ற நபர்கள், பொருட்கள், சம்பவங்களை ஒன்றாக்கி அவற்றுக்கு இடையே தேர்தல்போல விநோதவியூகத்தில் ஒரு போட்டியையே நடத்தும் விமலும் வைதேகியும் விரிக்கும் வியூகம் நிச்சயமாக விநோதமானதுதான். புது வருடத்திலும் புது வருடத்துடன் சம்பந்தபட்ட விடயங்களை போட்டியிட வைக்க காத்திருக்கிறது வினோத வியூகம். 

மதிய நேரத்தில் நாம் சாப்பாட்டு பந்தியில் அமரும் நேரம்கூட எங்களை சோர்வடைய விடாமல் உற்சாகமாக வானலை பரிசுகளோடு பூஜா போடும் பகல் பந்தி என்றுமே ஒரு "Energy". புத்தாண்டு அன்று எல்லையற்ற பரிசுகளோடு உங்களை மகிழ்விக்க காத்திருக்கிறது.

மாலைவேளைகளில் உலகவிடயங்கள், உள்ளூர் தகவல்கள், ஏன்? தெரியாத விடயங்கள் என எல்லாவற்றையும் திரட்டி ரசனையுடன் தரும் நண்பன் ஹிஷாமின் கற்றது கையளவு எங்களுக்கும் தருமே தெளிவான உலகறிவு. புத்தாண்டு சம்பந்தமான பல விடயங்களுடன் உங்களுக்காக காத்திருக்கிறது.

அதன்பின் சந்துருவின் எங்கேயும் எப்போதும் எங்கேயும் கலகல எப்போதும் சுவாரஸ்யம். நாம் விரும்பும் பாடல்கும் நகைச்சுவைகளும் வாழ்த்துக்களும் எமக்கு தரும் என்றுமே புன்னகை.

இதமான இரவு வேளைகளில் இதயத்துடன் பேச காற்றின் சிறகுகளோடு சுபாஷ் தரும் கானங்களும், கவிதைகளும், ஆகாயமுகவரியும் வானொலியில் மற்றுமொரு திருப்பம். புத்தாண்டன்று முற்றிலும் வித்தியாசமாக உங்களுடன் சிறகு விரிக்க காத்திருக்கிறது. 

நள்ளிரவு முதல் அதிகாலை வரை ஷகி வேலுவின் இசை ராஜாங்கம் இனி என்றுமே புதுமை புரட்சி. புதுவருடத்திலும் உங்கள் அபிமான பாடல்கள் தொடர்ச்சியாக.........

இவை எல்லாம் நம் நேயர்கள் மனதில் மிகக் குறுகிய காலத்தில் பிரபல்யமடைந்த நிகழ்ச்சிகள். எம் நேயர் மத்தியில் பாரிய வரவேற்பை பெற்ற இந்நிகழ்ச்சிகள் உங்களுக்கு பிடித்த வண்ணம் புது மெருகுடன் புதுத் தென்புடன் புத்தாண்டிலும் புதுமை படைக்க இருக்கிறது வெற்றி 
புத்தாண்டன்று இன்ப அதிர்ச்சிகளுடன் இனிய நிகழ்ச்சிகளையும் தர இருக்கும் வெற்றியோடு தொடர்ந்தும் இணைந்திருங்கள்.

வெற்றி F.M
வாழ்க்கைக்கு வெற்றி 
புதுவருடத்திலும் புது விதி செய்வோம்.

vettri@voa.lk 

Monday, December 29, 2008

ஜெய்சன் வீட்டில் - அன்னதானம்!!!

27.12.2008 மதியம் 1.30 மணியளவில் வெற்றி F.M அலுவலகத்தில் அனைத்து நண்பர்களும் மிக முக்கியமாக ஒன்று கூடினோம். வேறொன்றுக்குமல்ல எங்கள் விரிவாக்கல் பிரிவைச் சேர்ந்த ஜெய்சனது வீட்டில் இடம்பெறும் மத்திய விருந்துபசாரத்தில் கலந்து கொள்வதற்காகத்தான். வழமைபோல லோஷன் உடைய வாகனத்தில் அடைந்த வண்ணம் ஏறிய விமல், பிரதீப், ஹிஷாம், சுபாஷ், சதீஷ், பூஜா, வைதேகி, எல்லோருமே வழமையான கிண்டல் கேலிகளுடன் ஜெய்சன் வீட்டினை நோக்கி பயணமானோம்.

இன்று நம் லோஷன் முகத்தில் ஒரு கண்ணாடி அவரின் அழகாய் இன்னும் அதிகப்படுத்திக்காட்டியது என்றால், நம் பூஜாவும் வைதேகியும் தங்களை அழகு படுத்திய விதமே ஒரு தனி அழகுதான். என்ன செய்வது மற்ற நண்பர்கள் சாதரணமாகவே வந்ததனர்.
விருந்துக்கு போகும்போது வெறும் கையுடனா போகமுடியும்? ஏதோ எங்களால் முடிந்த ஒரு பரிசுடன் ஒருவாறு ஜெய்சன் வீட்டினை தேடிப்பிடித்து போனபோது ஜெய்சனது குடும்பமே ஒன்றாக நின்று, அன்பாக வரவேற்று, எங்களை இன்ப அதிர்ச்சிக்குள்ளாக்கினார்கள்.

வழமையான அறிமுகங்களின் பின் எங்கள் உபதொழிலான கிண்டல் பேச்சுகள் ஆரம்பமாகின. இதில் லோஷன் முதல் புதிதாக வந்த சதீஷ் வரை யாருமே தப்பவில்லை. அதேபோல் எந்தப்பேச்சும் யாரையுமே காயப்படுத்தவில்லை.
இதில் சில நண்பர்கள் தவிர்க்கமுடியாத காரணத்தால் கலந்துகொள்ளமுடியாமல் போனதுடன் கடமையை கண்ணாகபோற்றும் சந்துருவும் வனிதாவும் கலையகத்திலேயே நாம் என்ன என்ன எல்லாம் உண்போமோ என்ற கனவுடன் இருபது புது இசையை உங்களுக்கு வழங்கிக்கொண்டிருந்தனர்.

ஜெய்சன் வீட்டிலோ சற்று பேச்சுக்கள் குறைந்து உணவின் பக்கம் பார்வை திரும்பியது. எல்லோருக்கும் பிடித்த அசைவ உணவுதான்... வயிறு நிறைய எல்லோரும் உண்டோம். உண்ணும்போது கூட எங்கள் நண்பர்களின் "கடி" குறையவில்லை. உணவைதொடர்ந்து வந்த "dessert" விட்டுவைக்கவில்லை.
அதன்பின் மீண்டும் குறும்பு பேச்சுகள். இடையே நண்பர் திஷோக்குமாருக்கு நாம் தொலைபேசி வாயிலாக கொடுத்த இனிய இம்சை மற்றொரு சிறப்பு. எங்கள் தொலைபேசி இலக்கத்தையே "sorry", இது "wrong number"என சொல்ல வைத்த சாதனையாளர்கள் எங்கள் நண்பர்கள்.

ஒருவாறாக திஷோக்குமாருக்கும் செய்திப்பிரிவைச் சேர்ந்த விஜயகுமாரும் ஜெய்சன் வீட்டினை அடைந்தபின் ஒருவர் பின் ஒருவராக photo எடுத்தனர். எங்கள் group photo எடுக்கும்போது விஜயகுமார் ஆறு தடவை ஒரே படத்தினை "click" செய்தது என்றுமே மறக்கமுடியாது. நிறைவில் ஜெய்சன் குடும்பத்தினருக்கு நன்றி தெரிவித்தபின் மீண்டும் லோஷனின் வாகனத்திலேயே ஏறினோம்.

அலுவலகத்துக்கு வருகிறோம் என லோஷன் வேறு ஏதோ வழியில் போய்விட்டு வைதேகியை கலாய்த்ததுடன் வாகனத்திலேயே signalஇனை பக்கம் மாற்றி போட்டுக்காட்டி தன் "driving" திறமையை காட்டியது மற்றொரு அனுபவம். ஒருவாறாக நம் ஏன்? எதற்கு? எப்படி? "ஹீரோவை" நான்கு மணிக்கு சில நிமிடங்கள் இருக்கும் வேளையில் அவரை அலுவலகத்தில் சேர்த்து தான் ஒரு வெற்றியாளன் என்பதனை நிரூபித்தார் லோஷன்.
இந்த இனிமையான நேரத்தில் ஜெய்சன் குடும்பத்திற்கு வெற்றி குடும்பம் சார்பாக மனமார்ந்த நன்றிகளை தெரிவித்து கொள்கின்றோம்.
--------------

Friday, December 26, 2008

காற்றின் சிறகுகள் வழியே ஆகாய முகவரிக்கு காற்றோடு கலந்த கடிதம்.


சந்தோஷமாய் குதூகலமாய் கொண்டாடிய நத்தார் பண்டிகை, உண்ட உணவு செறிமானம் ஆகும் முன்னம் டிசம்பர் 26ம் திகதி எம்மனைவரையும் கலங்கடிக்க வைத்தாள் கடல் தாய். உறங்க மடி தந்தவளே உறக்கத்தை பலருக்கு நீண்டதாயும் தந்தாள். இன்னும் பலரின் உறக்கத்தையும் பறித்துவிட்டாள். பெயர் தெரியாத ஒருத்தியாய் உருவெடுத்து இன்று சுனாமி என அழைக்கப்படுகிறாள்.

ஒரு பொருளை உருவாக்குவது அவ்வளவு எளிதல்ல. ஆனால் அதை இல்லாதொழிப்பது அவ்வளவு கடினமல்ல என்பதை உன்னைக்கண்ட பின் எல்லோரும் உணர்ந்திருப்பார்கள்.

டிசம்பர் மாதம் என்றாலே அனைவருக்கும் நினைவு வருவது தேவபாலன் பிறப்பே. இந்நிலை நான்கு வருடங்களுக்கு முன் இருந்தது. ஆனால் இப்பொழுதெல்லாம் டிசம்பர் என்றாலே உடனே நினைவுக்கு வருவது சுனாமி. அந்தளவிற்கு கடல் அன்னையின் மறு உருவம் எம்மனைவர் மனதிலும் பதிந்துவிட்டது.

இவ் நான்கு வருடத்தில் எத்தனையோ மாற்றங்கள் நடந்தேறிவிட்டன. அதில் ஒன்றாக, உங்களோடு இணைந்தது தான் வெற்றி FM
.
உங்களில் ஒருவன் வெற்றி FM என்பதால் ஆழிப்பேரலையில் உயிரிழந்தோரின் ஆத்மா சாந்திக்காக பிரார்த்திக்கும் அதேவேளை, எம்மைவிட்டு பிரிந்தவர்களுக்கான கடிதங்களையும் பகிர்ந்துகொள்ளப்போகிறான் வெற்றியின் காற்றின் சிறகுகள் வாயிலாக.

விந்தை மிகு உலகமல்லவா இது. அதனால் காற்றோடு கலந்தவர்கள் நிச்சயமாக எம் சொந்தங்களின் பிரிவுத்துயரங்களை இன்று ஆகாய முகவரி வாயிலாக ஒலிக்கும் போது கேட்பார்கள்.

இணைந்திடுங்கள் நீங்களும் இன்றிரவு 9 மணி செய்தியறிக்கையின் பின் சுனாமி நினைவாக ஒலிபரப்பப்படவிருக்கும் காற்றின் சிறகுகள் நிகழ்ச்சியில் ஆகாய முகவரியோடு.
கொழும்பு 99.6
கண்டி 101.5
ஊவா மற்றும் தென்கிழக்கு 93.6

Wednesday, December 24, 2008

சோகங்களை சுகமாக்கிட வந்த சொந்தம் வெற்றி FM !


உங்களோடு என்றென்றுமே தோளோடு தோள் நிற்கப் போகும் தோழன் இன்று, வானலையில் 10 மாத குழந்தையாக தவழும் வெற்றி FM . தனது முதலாவது கிறிஸ்மஸ் பண்டிகையினையும் ஆர்ப்பாட்டமில்லாத, அழகான, அமைதியான நத்தார் பண்டிகையாக உத்தியோகபூர்வமாக உலகளாவிய ரீதியில் நேயர்களோடு கொண்டாவிருக்கின்றது.


அவ்வகையிலேயே இம்மாதம் 15ஆம் திகதி முதல் நத்தார் கொண்டாட்டங்களை ஆர்ப்பாட்டமில்லாது ஆரம்பித்தது. தேவபாலனை வாழ்த்தும் பாடல்களையும், தனிமனித வாழ்வை மேம்படுத்தும் நத்தார் சிந்தனைகளையும் இன்றுவரை செவ்வனவே வழங்கி வருகின்றது. இதேபோல் மற்றுமொரு சிறப்பம்சமாக அமையப்போவது தேவபாலன் பிறக்கும் நள்ளிரவு, கொழும்பு 13 புனித அந்தோனியார் ஆலயத்திலிருந்து எமது அறிவிப்பாளர்கள் வழங்கவிருக்கும் நேரடி ஒலிபரப்பு. அதுமட்டுமல்லாது நத்தார் தினத்தன்று வெற்றியில் ஒலிபரப்பாகும் நிகழ்ச்சிகளில் பல்வேறுபட்ட வித்தியாசமான மாறுபட்ட அம்சங்களும் இடம்பெறவிருக்கின்றன.



சிசுபாலனை சிரம் தாழ்த்தி பூ பூக்கும் நேரத்தில் வரவேற்று விடியல் நிகழ்ச்சியிலே அவர் கருத்துக்களை அனைவரோடும் பகிரச் செய்து அவருடைய வினோதங்களை இவ்வியூகத்திற்கு வினோத வியூகம் வாயிலாக விளக்கி பஹல் பந்தியில் தேவபாலனை பசியாறச் செய்து அவரிடம் நாம் கற்றதை உலகறியச் செய்து எங்கேயும் எப்போதும் உலகமக்கள் அனைவரும் ஒரு தாய் மக்களாய் ஒற்றுமையாய், இன, மத, வேறுபாடின்றி சாந்தியும் சமாதானமாய் வாழ நல்வாழ்த்துக்களையும் பிரார்த்தனைகளையும் தெரிவித்து காற்றின் சிறகுகள் மூலம் மண்ணுலகத்திற்கு மீண்டும் வரச்சொல்லி விண்ணுலகம் அனுப்பி வைப்போம் அதிரூபனை.

சிசுபாலனின் கொண்டாட்டத்தோடு எம்மோடு இணையவிருக்கும் மற்றுமொரு நபர் குடு குடு ஆனாலும் துடிப்பான இளைஞனாக நம் வெள்ளை தாத்தா SANTA. வெற்றியோடு நத்தாரை கொண்டாடும் நேயர்களுக்கு வானலைப் பரிசுகளை வழங்கி சிசுபாலனின் தோற்றம் கொண்ட குழந்தைகளோடும் தம் பொழுதை கழிக்கவுள்ளார்.

இதெல்லாம் எவ்வாறு எப்படி என்று யோசிப்பவர்களும் அமைதியாக ஆர்ப்பாட்டமில்லாமல் நத்தாரை கொண்டாட விரும்புவர்களும் இணைந்திருங்கள் வெற்றியோடு என்றென்றும்.

வெற்றி FM கிறிஸ்மஸ் FM


வெற்றி FM - "வாழ்க்கைக்கு வெற்றி"



Tuesday, December 23, 2008

McDonalds கற்றது கையளவு.



உலக நிகழ்வுகள், பொருளாதார நெருக்கடி, சினிமா என பல துறைகளையும் அலசும் இரண்டு மணி நேர நிகழ்ச்சியை வாரநாட்களில் கேட்கத்தவறாதீர்கள்.
இந்த பண்டிகை காலத்தில் வெற்றி FM இல் மாலை 3.00 மணிமுதல் 5.00 மணிவரை கற்றது கையளவு நிகழ்ச்சியை கேட்கும் நண்பர்களுக்கு McDonalds வழங்கும் வவுச்சர்கள் காத்திருக்கின்றன.

அம்பாளின் அருளை வேண்டி வெற்றியுடன் இணைந்து நின்ற பெனிகல தோட்டம்


வாழ்க்கைக்கு வெற்றிதரும் வெற்றி எப் எம்மின் ஊடக அனுசரணையில் 22.12.2008அன்று. வரகாபொல பெனிகெலதோட்டம் ஸ்ரீமுத்துமாரியம்மன் ஆலய வீதி உலா நிகழ்வு இடம்பெற்றது. காலையில் இடம்பெற்ற அபிஷேக நிகழ்வுகளளின் அவ்வூர் மக்கள் பக்திசிரத்தையுடன் கலந்துகொண்டனர்.
குளுகுளுப்பான இயற்கை எழில் கொஞ்சி விளையாடும் பெனிகெல தோட்டத்தில் கால்பதித்த வெற்றிக் குழுவினர் தங்களுடைய இசைநிகழ்வை ஆலயமுன்றலில் ஆரம்பித்தனர். அவ்வூர் மக்களின் வேண்டுகோளுக்கு இணங்க பக்திபாடல்களை ஒலிபரப்பி மகிழ்வித்தனர்.

மதியவேளையில் மீண்டும் பூஜைகள் ஆரம்பமாகி அம்பாள் ஆலயத்தை சுற்றி வலம் வந்தபின் அன்னதானம் வழங்கும் நிகழ்வு இடம்பெற்றது. இதேவேளை வெற்றியின் இசைமழையை ஆரம்பித்த வெற்றிக்குழுவினர் நேயர்களின் பெயர்களையும் வாழ்த்துகளையும் இணைத்ததோடு போட்டிகளையும் நடாத்தி வெற்றியின் நினைவுப் பரிசில்களையும் வழங்கி சிறப்பித்தனர்.
இதேநேரம் வெற்றி குழுவினருடன் சிறுவர்கள் முதல் பெரியோர் வரை அனைத்து நேயர்களும் மிக்க மகிழ்ச்சியுடன் தங்கள் கருத்துக்களை பகிர்ந்துகொண்டார்கள்.

இதில் முதலில் தெளிவற்று இருந்த வெற்றி அலைவரிசையினை தாம் அன்டானாவை பூட்டி ஏன் எத்தனையோ தடவை தம் கைகளால் பிடித்தவண்ணம் வெற்றியை கேட்டதாகவும் வெற்றியின் பேப்பர் தம்பி விடியல் மற்றும் அனைத்து நிகழ்ச்சிகளும் தங்களை கவர்ந்துள்ளதாகவும் தெரிவித்தனர். அத்துடன் எங்களுடன் பேசிய 'சரோஜா' குழுவினர் தாங்கள் எத்தனையோ தடவை call எடுத்தும நாம் அதை answer பண்ணவில்லை என உரிமையுடன் குறைபட்டக்கொண்டனர்.

அத்துடன் வெற்றி குழுவினரை தங்கள் வீட்டுக்கு வந்து செல்லுமாறு எத்தனையோ நேயர்கள் அன்பாக அழைத்தும் பல நேயர்களின் வீடுகளுக்கு செல்லமுடியாமைக்கு வருந்துகின்றோம். அத்துடன் அன்பாக அனுசரித்த அனைவருக்கும் நன்றி தெரிவிக்கின்றோம்.

மாலை 3.30 மணியளவில் மீண்டும் பூஜைகள் நடைபெற்று மேளகச்சேரியுடன் வாத்தியக் குழுவினரும் தொடரிசை வழங்க வீதி உலா ஆரம்பமானது. பெனிகெல தோட்டத்திலுள்ள ஒவ்வொரு வீடு வீடாக சென்ற அம்பாள் அதன்பின் ஆலயத்திலிருந்து ஏறத்தாள 3 1/2 கிலோமீற்றர் துரத்திலுள்ள கண்டிவீதிவரை உலாவாக வந்து அருள் பாலித்தார். தமிழ் சிங்கள சகோதரர்கள் பேதங்களை மறந்து அம்பாளின் அருளை வேண்டி இணைந்து நின்றது கண் கொள்ளாக்காட்சியாகும்.

இவ்வீதி உலாவில் கலந்து கொண்டு வந்த வெற்றிகுழுவினர் அடையே ஆலய பரிபாலசபையினரும் இந்நிகழ்வுக்கு ஊடக அனுசரணை வழங்க உதவி புரிந்த வரகாபொல அட்டகாச புயல் அமுதனுக்கு வெற்றியின் நினைவுப்பரிசினை
வழங்கினர்
நள்ளிரவை தொடும் வேளையில் வீதி உலா நிறைவுக்கு வந்தது. வெற்றி குழுவினர் இங்கிருந்து விடைபெறும் போது பெனிஹெல தோட்டமக்கள் ஒன்று திரண்டு கரகோஷமெழுப்பி நன்றி தெரிவித்தனர்.
உண்மையிலேயே மிகச் சிறப்பாக நடைபெற்ற இவ்வீதி உலாவுக்கு வெற்றி குடும்பமும் பங்களிப்பு செய்வதையிட்டு மகிழ்கின்றோம்.

இதேநேரம் வீதி உலா நிறைவுற்ற பின்னர் ஆலயத்துக்கண்மையில் இசை நிகழ்வை வழங்கிடுவோம் என தெரிவித்த எம்மால் வீதி உலா நிறைவு நள்ளிரவை தொட்டதால் அவ் இசைநிகழ்ச்சியை வழங்க முடியாமல் போனமைக்கு வருந்துகின்றோம்.

Monday, September 22, 2008

சக்கரக்கட்டியும் வெற்றி எப்.எம்.மும்!

சக்கரக்கட்டி திரைப்படத்தின் உத்தியோகபூர்வ அனுசரணையாளராக வெற்றி எப்.எம் செயற்படுகிறது.
இளைஞர்கள் மத்தியில் பெரும் எதிர்பார்ப்பை ஏற்படுத்தியிருக்கும் ஒரு திரைப்படம்தான் சக்கரக்கட்டி! இசைப்புயல் ஏ.ஆர்.ரஹ்மானின் இசையில் வெளிவந்திருக்கும் இந்தத் திரைப்படத்தின் பாடல்களும் ரசிகர்கள் மத்தியில் மிகப் பிரலபம் பெற்றிருக்கின்றன.
மேலதிக விபரங்களுக்கு - கேளுங்கள் www.vettri.lk
----------------------------------------------------

Sunday, September 7, 2008

வெற்றி எப்.எம். இன் உத்தியோகபூர்வ இணையத்தளம்!

வெற்றி எப்.எம். இன் உத்தியோகபூர்வ இணையத்தளம்!
வெற்றி எப்.எம். ஒலிபரப்பை இப்பொழுது நேயர்கள் இணையத்தினூடாகவும் கேட்டுமகிழ முடியும். வெற்றி எப்.எம்.இன் உத்தியோகபூர்வ இணைய ஒலிபரப்பு இணைப்பு முகவரி : www.vettri.lk
------------------------------------------------------------------------------------------------

Wednesday, June 11, 2008

வெற்றி எப்.எம். ஐ தொடர்புகொள்ள -

வெற்றி எப்.எம். ஐ தொடர்புகொள்ள -
வெற்றி எப்.எம்.இன் எஸ்.எம்.எஸ். இலக்கம் : 0094 718996996

மின்னஞ்சல்: vettri@voa.lk

அஞ்சல் முகவரி: Vettri FM,P.O.Box No. 1011,Colombo,Sri Lanka.

Friday, May 16, 2008

வெற்றி எப்.எம் இன் முழுமையான நிகழ்ச்சிகள் செய்திகள்

இப்பொழுது வெற்றி எப்.எம் இன் முழுமையான நிகழ்ச்சிகள் மற்றும் செய்திகளை நீங்கள் இந்த இணைப்பில் கேட்கலாம் :

http://nilavufm.com/live.html

--------------------------------

Wednesday, May 7, 2008

வெற்றி எப்.எம்.இன் வார நிகழ்ச்சிகள் : பூ பூக்கும் நேரம், வெற்றியின் விடியல், வினோத வியூகம், பகல் பந்தி, கற்றது கையளவு, எங்கேயும் எப்போதும், வெற்றியின் விளையாட்டுத்திடல், காற்றின் சிறகுகள், இசை இராச்சியம்.

செய்திகள் விரைவில்???

வெற்றி எப்.எம். இன் செய்திகள் மிக விரைவில் அதுவும் இந்த வாரம் பகுதியிலேயே ஆரம்பிக்கப்படலாம் என்று தெரியவருகிறது.
நிகழ்ச்சிகள் ஆரம்பிக்கப்பட்டு ஒருவாரம்கூட கடக்காத நிலையில் நேயர்களின் பாராட்டுக்களாலும் வாழ்த்துக்களாலும் வெற்றி எப்.எம்.மைச் சேர்ந்தவர்கள் உற்சாகமடைந்திருப்பதாக அவர்களை மேற்கோள்காட்டி நண்பர் ஒருவர் எமக்குத் தெரிவித்தார்.

புதிய நிகழ்ச்சிகள் ஆரம்பம்


வெற்றி எப்.எம். தனது புதிய நிகழ்ச்சிகளை மே 01ஆம் திகதி முதல் ஆரம்பித்திருக்கிறது.

Tuesday, April 29, 2008

வெற்றி எப்.எம். நேயர்களின் நன்றிகள்

எமது வேண்டுகோளை ஏற்று இந்த வலைப்பூவின் சுட்டியை தமது தளத்தில் இணைத்துக்கொண்டுள்ள vettri.8m.com தளத்துக்கு எமது வலைப்பூவின் சார்பில் மனமார்ந்த நன்றிகளைத் தெரிவித்துக்கொள்கின்றோம்.

வெற்றி எப்.எம். இன் வளர்ச்சியில் அக்கறையோடு உறுதுணையாக இருக்கும் இந்தத் தளத்தின் பராமரிப்புக் குழுவினருக்கு வெற்றி எப்.எம். நேயர்களின் சார்பில் நன்றிகள்.

நட்புத் தளத்தின் இணைப்புச் சுட்டி:
http://www.vettri.8m.com/index.html

Monday, April 28, 2008

தரவுகளை மீள் பிரசுரிக்கும் தளங்கள்!

வெற்றி எப்.எம் நேயர்களால் ஒருங்கமைக்கப்பட்ட இந்த வலைப்பூவில் பதியப்படும் தரவுகளை உபயோகப்படுத்தும், மீள் பிரசுரிக்கும் தளங்கள் - இந்த வலைப்பூவினுடைய இணைப்புச் சுட்டியையும் அந்தத் தொகுப்புக்களுடன் இணைக்குமாறு கேட்டுக்கொள்கிறோம்.

அவ்வாறு செய்வது உகந்ததல்ல என்று கருதும் தளப் பராமரிப்பாளர்கள் இங்குள்ள தகவல் திரட்டுக்களை உபயோகிக்காதுவிடல் நேர்த்தியான செயலாக அமையும் என்பது எமது எண்ணம்!

வெற்றி எப்.எம் - சந்தோஷ அதிர்ச்சி என்ன???

மே மாதம் முதலாம் திகதியை மையமாகவைத்து வெற்றி எப்.எம் இல் எதிர்பார்ப்புக்குரிய முன்னறிவித்தல்கள் ஒலிக்கவிடப்பட்டுள்ளன. இது நேயர்கள் மத்தியில் பரபரப்பை ஏற்படுத்தியிருக்கிறது.
உழைப்பாளர்கள் தினமாகிய மே முதலாம் திகதியில் வெற்றி எப்.எம், நேயர்களுக்குத் தரப்போகும் சந்தோஷ அதிர்ச்சி என்ன???

Saturday, April 26, 2008

தசாவதாரம் பாடல்கள் வெற்றி எப்.எம். இல்

தசாவதாரம் பாடல்கள் வெற்றி எப்.எம். இல்
நடிகர் கமல்ஹாசனின் கதை,திரைக்கதை, வசனத்தில் கே.எஸ்.ரவிக்குமாரிக் இயக்கத்தில் உருவாகியிருக்கும் தசாவதாரம் திரைப்படப் பாடல்களை முந்திக்கொண்டு நேயர்களுக்கு வழங்கியிருக்கிறது வெற்றி எப்.எம். ஹிமேஷ் ரேஷ்மயாவின் இசையில் பாடல்கள் அருமை. வெற்றி எப்.எம் 99.6 அலைவரிகையில் நீங்கள் தசாவதாரம் பாடல்களைக் கேட்டு மகிழலாம்.

Monday, April 21, 2008

IPL கிரிக்கெட் போட்டிகள்!

இந்தியாவில் பரபரப்பாக நடைபெற்றுவரும் IPLகிரிக்கெட் போட்டிகளின் ஸ்கோர் விபரங்களை உடனுக்குடன் - பந்துக்குப் பந்து நேயர்களுக்கு வழங்கிக் கொண்டிருக்கிறது வெற்றி எப்.எம்.

20- 20 கிரிக்கெட் போட்டிகள் பரபரப்புக்குப் பெயர்பெற்றவை. IPL போட்டிகளில் சர்வதேச ரீதியில் புகழ்பெற்ற நட்சத்திர வீரர்கள் விளையாடுவதால் பரபரப்புக்குப் பஞ்சமே இல்லை. எனவே இந்தப் போட்டிகளின் ஸ்கோர் விபரங்களை தொடர்ச்சியாக வழங்கிவரும் வெற்றி எப்.எம் நேயர்கள் மத்தியில் பாராட்டுக்களைப் பெற்றுவருகிறது.

வெறுமனே ஸ்கோர் விபரங்களை மாத்திரம் வழங்காது போட்டிகள் பற்றிய முழுவிபரங்கள், எதிர்வுகூறல்கள் என்று வெற்றி எப்.எம் வழங்கிவரும் தகவல்களும் நேயர்களிடத்தில் வரவேற்பைப் பெற்றுள்ளன.

Monday, April 14, 2008

வெற்றி எப்.எம். ஐ தொடர்புகொள்ள -

வெற்றி எப்.எம்.இன் எஸ்.எம்.எஸ். இலக்கம் : 0094 718 996 996
மின்னஞ்சல்: vettri@voa.lk
அஞ்சல் முகவரி:
Vettri FM,
P.O.Box No. 1011,
Colombo,
Sri Lanka.

வெற்றியின் விளையாட்டுத்திடல்!!!

ஆரம்பமாகிறது - வெற்றியின் விளையாட்டுத்திடல்!!!
14ஆம் திகதி திங்கட்கிழமை முதல் விளையாட்டுத் தகவல்களைத் தொகுத்துத் தரும் வெற்றியின் விளையாட்டுத் திடல் நிகழ்ச்சி ஆரம்பமாகிறது.

தினமும் இரவு 8.00 மணிக்கு வெற்றியின் விளையாட்டுத்திடலை நேயர்கள் கேட்டு மகிழலாம் என்ற தகவல் எமக்குக் கிடைத்திருக்கிறது.

Saturday, April 12, 2008

பேப்பர் தம்பி!!!

வாரநாட்களில் காலையில் தினமும் 7.05க்கு பேப்பர் தம்பி (முன்னாள் பேப்பர் பொடியனேதான்!!) பத்திரிகைகளை அலசும் நேரம் - வெற்றியின் காலைநேர நிகழ்ச்சியின் சிறப்புக்களில் ஒன்று.

செய்திகளை வாசித்துவிட்டு பேப்பர் தம்பி அடிக்கும் கொமென்ட்டுகள் கலகல!!!

சிங்கப்பூருக்கு பறக்கும் வாய்ப்பு!

வெற்றி எப்.எம் நிகழ்ச்சிகளை தொடர்ச்சியாகக் கேட்கும் நேயர்களுக்கு சிங்கப்பூருக்கான விமானப் பயணச்சீட்டுக்களை வெல்லும் வாய்ப்புக் கிடைக்கவிருக்கிறது.
வெற்றியில் தினமும் கேட்கப்படும் 3 கேள்விகளுக்கு குறுஞ்செய்திமூலம் பதிலளிக்கும் நேயர்களில் தினமும் ஒருவர் தேர்ந்தெடுக்கப்பட்டு அவருக்கு விமானப் பயணச்சீட்டு பரிசாக வழங்கப்படவிருப்பதாகத் தெரியவருகிறது. இந்த அறிவிப்பானது நேயர்கள் மத்தியில் பரபரப்பை உண்டுபண்ணியிருப்பதாக அறியமுடிகிறது.

Tuesday, March 25, 2008

முழுமையான நிகழ்ச்சிகளை ஆரம்பிக்கவிருக்கிறது

வெற்றி எப்.எம் இப்போது முழுமையாக பாடல்களை வழங்கிக்கொண்டிருக்கிறது. மிக விரைவில் முழுமையான நிகழ்ச்சிகளை ஆரம்பிக்கவிருப்பதாக தகவல்கள் தெரிவிக்கின்றன. அதேவேளை காலை வேளையில் பத்திரிகைப் பார்வை விளையாட்டுத் தொகுப்புக்கள் மற்றும் நகைச்சுவை போன்றன மெல்ல மெல்ல இடம்பிடித்துவருவதையும் கேட்கமுடிகிறது.

Thursday, March 6, 2008

இலங்கை தமிழ் வானொலி வரலாற்றில் புதிய உதயம்.


ஓரிரு வாரங்களில் தனது உத்தியோகபூர்வ ஒலிபரப்பை ஆரம்பிக்கவுள்ள வெற்றி எப் எம் பரீட்சார்த்த ஒலிபரப்பின் மூலம் தற்பொழுது நேயர்களை கவர்ந்து வருகிறது. பாடல்களைத் தொடர்ச்சியாக ஒலிபரப்பும் அதேவேளை, முக்கிய கிரிக்கெட் போட்டி நடைபெறும்வேளைகளில் ஸ்கோர் விபரங்களை தமிழில் உடனுக்குடன் வழங்கியும் நேயர்களை உற்சாகப்படுத்திவருகிறார்கள். பரீட்சார்த்த ஒலிபரப்பின் அடுத்த கட்டமாக காலைவேளையில் அன்றைய தினசரிப் பத்திரிகைகளின் மீதான கண்ணோட்டத்தையும் அடுத்த சில தினங்களில் ஆரம்பிக்கவிருப்பதாகவும் தெரியவருகிறது.

Wednesday, February 20, 2008

காதோரம் வலைப்பூவில் வெற்றி எப் எம்


காதோரம் இணைப்பில் வெற்றி எப் எம் பற்றிய பதிவொன்று உள்ளது.இது தொடர்பாக வெற்றி எப் எம் நிர்வாகம் கவனத்திற்கொள்ளும் என்று எதிர்பார்க்கலாம்.

காதோரம் தளத்தில் பதியப்பட்ட செய்தி

வெற்றி எப் எம் - உத்தியோகபூர்வ ஒலிபரப்பு எப்போது?
99.6 இல் பரீட்சார்த்த ஒலிபரப்பை கொழும்பில் ஆரம்பித்திருக்கும் புதிய தமிழ் வானொலியான வெற்றி எப் எம் நல்ல பாடல்களை தொடர்ச்சியாக ஒலிபரப்பி வருகிறது. ஆயினும் அவர்களது அலைவரிசை பலவீனமாக இருப்பதால் கொழும்பு பெரும்பாக பகுதிகளில் கூட வெற்றி எப் எம் வானொலியை தெளிவாகக் கேட்பது சிரமமாக உள்ளது. குறிப்பாக பகல் நேரங்களில் 99.6 அலைவரிசையில் வேறு வானொலிகளின் அலைவரிசைகளின் இடையூறுகள் மிக அதிகம்.
இத்தகைய இடையூறுகளை களைந்து வெற்றி எப் எம் வெற்றி பெறுமா? பொறுத்திருந்து பார்ப்போம்.

Saturday, February 16, 2008

இணையதளத்தில் ஓரங்கட்டப்படும் ஹிந்தி


உலகில் அதிகம் பேசப்படும் மொழிகளில் ஒன்று என்ற சிறப்பை பெற்றுள்ள ஹிந்தி, இணையதள பயன்பாட்டில் ஓரங்கட்டப்பட்டு வருவதாக, ஆய்வில் தெரிவிக்கப்பட்டுள்ளது.

தற்போது உலகில் பேசப்படும் 6,000 மொழிகளில் 12 மட்டுமே இணையதளங்களில் ஏறக்குறைய முழு அளவிற்கு பயன்படுத்தப்பட்டு வருவதாகவும், இதில் ஆங்கிலம் முதலிடத்தில் இருப்பதாகவும், இன்டெர்நெட் வேர்ட் ஸ்டேட்ஸ்.காம் ஆய்வு முடிவில் தெரிய வந்துள்ளது.

இந்தியாவில் உள்ள பிராந்திய மொழிகளில் இணையதள பயன்பாட்டு வளர்ச்சி, வரையறுக்கப்பட்ட விகிதத்திலேயே உள்ளன. இந்திய இணையதள பயன்பாட்டாளர்களில் பெரும்பாலானோர் ஆங்கிலத்தை பெரிதும் பயன்படுத்துகின்றனர்.

உலகின் முதல் 5 இடங்களில் ஒன்றாகத் திகழும் ஹிந்தி மொழி, இந்தியாவில் பெரும்பாலான மாநிலங்களிலும் பேசப்படுகிறது. எனினும் இணையதள பயன்பாட்டில் சிறப்பான இடத்தை இது பெறவில்லை என்று ஆய்வில் சுட்டிக் காட்டப்பட்டுள்ளது.

தவம் - வடிவேல் நகைச்சுவை

அருண் விஜய், அறிமுகங்கள் வந்தனா, அர்பிதா, வடிவேலு, ஜனகராஜ், வெ.ஆ.மூர்த்தி, வாசு விக்ரம், கலைராணி நடிப்பில் ரவியின் ஒளிப்பதிவில் டி. இமான் இசையில் ஷக்தி பரமேஷ் இயக்கியுள்ள படம். தயாரிப்பு ஸ்ரீராம் பிலிம்ஸ் (பி) லிட்.

ரெடி, ஸ்டார்ட், கேமரா, ஆக்சன்: 'ரோபோ' துவங்கியது!


`ரோபோ' படப்பிடிப்பு துவங்கியது. ஏவிஎம் ஸ்டுடியோவில் ரஜினி நடித்த காட்சிகள் படம் பிடிக்கப்பட்டன.
`சிவாஜி'யை அடுத்து, `குசேலன்' மற்றும் 'ரோபோ' ஆகிய படங்களில் ரஜினி நடிக்கிறார். 'குசேலனை' பி.வாசுவும், `ரோபோ'வை ஷங்கரும் இயக்குகின்றனர்.
125 கோடி ரூபாய் செலவில் மிக பிரமாண்டமாக தயாராகிவரும் 'ரோபோ'வில் ரஜினி ஜோடியாக ஐஸ்வர்யாராய் நடிக்கிறார்.இப்படத்தின் படப்பிடிப்பு, சென்னை ஏவிஎம் ஸ்டூடியோவில் தொடங்கியது.
ரஜினி நடித்த சில காட்சிகளை இயக்குனர் ஷங்கர் படமாக்கினார். இதனால் அங்கு ரசிகர்களின் கூட்டம் அலைமோதியதாகவும், கூட்டத்தை கட்டுப்படுத்த பாதுகாவலர்கள் திணறியதாகவும் ரசிகர்கள் சிலர் தெரிவித்தனர்.

பொழுதுபோக்கின் வெற்றிக்கு வெற்றி எப் எம்


எதிர்வரும் திங்கட்கிழமை முதல் கிரிக்ட் போட்டி விபரங்களை நேரடியாக தர வெற்றி எப் எம் தயாராகிறது. சிபி முக்கோண ஒருநாள் தொடரின் விறுவிறுப்பான கட்டங்கள் வெற்றியில். தமிழில் போட்டி விபரங்களை அறிந்துகொள்ள வெற்றி எப்.எம்.முடன் இணைந்துகொள்ளலாம். தற்போது ஒலிபரப்பாளர்களின் குரல்களுடன் பாடல்களை மட்டும் தந்துகொண்டிருக்கும் வெற்றி எப்.எம் அடுத்தடுத்து நிகழ்ச்சிகளையும் வழங்குவதற்கு முன்னெடுப்புக்களைச் செய்துவருகிறது. இந்த நிலையில் கிரிக்கெட் போட்டி விபரங்களும் வழங்கப்படும் என்ற அறிவிப்பு வெற்றி நேயர்களுக்கு இனிப்பான செய்திதான்!
வெகுவிரைவில் தனது உத்தியோகபூர்வ இணையத்தளத்தை ஆரம்பிக்கவுள்ள வெற்றி எப் எம் உலகெங்கும் உள்ள தமிழ் நேயர்களை தன் வசம் ஈர்க்கும் என்று எதிர்பார்கலாம்

Friday, February 15, 2008

Arai En 305il Kadavul - Simbudeven’s laugh riot yet again!


Director Simbudeven is back again with one more film! The title ‘Arai Enn 305-il Kadavul’of the film it self has created much anticipation. After the success of the blockbuster comedy ‘Imsai Arasan 23am Pulikesi’ this film has also created a lot of expectations among the Tamil audience.The film was shot for around two months around the city, Bangalore and Tenkasi. ‘Arai Enn 305-il Kadavul’ is produced by Director Shankhar’s ‘S’ Pictures which also produced ‘Imsai Arasan 23am Pulikesi’. S. Soundarajan wields the camera for this flick, while G. Sasikumar has taken charge of editing.The music director of ‘Arai Enn 305-il Kadavul’ is Vidyasagar. He has given five different varieties of songs which includes rap, western, a folk song with the smell of the Tamil soil, melody and also a remix. Our sources believe that the songs of this film will sell like hot cakes!The lyrics have been penned by Muthulingam, Na. Muthukumar, Pa. Vijay, Yugabharathy, and Kabilan.The two lead roles of ‘Arai Enn 305-il Kadavul’, Santhanam & Kanja Karuppu were made to sit on the parapet of the tallest building. The guys who enacted the roles seemed to heave a sigh of relief once the take was ok! It is also believed that the makers of the film ‘Arai En 305il Kadavul’ have made authentic costumes and brought special wigs & make-up materials from Mumbai for the character of ‘Maha Vishnu’ played by Prakash Raj.The art Director Selvakumar has successfully re-created a moon at AVM studios that was required for the film ‘Arai En 305il Kadavul’, where a song was shot with Santhanam & Kanja Karuppu dancing on the surface of the moon!‘Arai En 305il Kadavul’ too has historical sequences like in ‘Imsai Arasan..’Santhanam and Kanja Karuppu, who are the heroes of ‘Arai En 305il Kadavul’ have decided not to act in any other film before this flick gets over.‘Arai En 305il Kadavul’ has a huge star cast which includes Prakash Raj, Santhanam, Kanja Karuppu, Madhumitha, & Jyothirmayi in principal characters and also includes Rajesh, Ilavarasu, M.S. Bhaskhar, Thalaivasal Vijay, Madan Bob, Kuyili, Chams, ‘Paruthiveeran’ Sambath, V.M.C. Hanifa, V.S. Raghavan, Delhi Ganesh, Periyar Dasan, ‘Kadhal’ Sukumar & Muthukalai among others.‘Great Selva’ is being introduced as the stunt master through this film ‘Arai En 305il Kadavul’. He is a former assistant of Peter Hain. It was Selva who acted as the dupe artiste for Vikram in the film ‘Anniyan’ (for ‘Anniyan’ character) in the stunt sequences.‘Arai En 305il Kadavul’ will be released by the end of February.

பேர்த் மைதானத்திற்கு விடை கொடுத்தார் கில்கிரிஸ்ட்

காமன்வெல்த் பேங்க் முத்தரப்பு ஒருநாள் கிரிக்கெட் தொடரில் இலங்கை அணியை ஆஸ்திரேலியா 63 ரன்கள் வித்தியாசத்தில் வீழ்த்தியது. இதன் மூலம் 12 புள்ளிகளுடன் அது முதலிடத்தை பெற்றது.

பெர்த் நகரில் வெள்ளிக்கிழமை நடந்த இத்தொடரின் 6வது போட்டியில், டாஸ் வென்ற ஆஸ்திரேலியா முதலில் பேட் செய்தது. இதன்படி அந்த அணி 49.4 ஓவர்களில் 236 ரன்களுக்கு ஆட்டமிழந்தது.

தனது சொந்த மண்ணில் கடைசி போட்டியில் பங்கேற்ற துவக்க வீரர் கில்கிரிஸ்ட், ஆரம்பம் முதலே சிறப்பாக விளையாடி ரசிகர்களை மகிழ்ச்சியில் ஆழ்த்தினார். ஆட்டத்தின் 38வது ஓவரில், தனது 16வது சதத்தை கில்கிறிஸ்ட் பூர்த்தி செய்து, 118 ரன்களுக்கு ஆட்டமிழந்தார்.

ஹைடன் 4 ரன், கேப்டன் பாண்டிங் 25 ரன், கிளார்க் 43 ரன், சைமண்ட்ச் 4 ரன், ஹசே 25 ரன் எடுத்த நிலையில் ஆட்டமிழந்தனர். பின் வரிசையில் வந்த ஹோப்ஸ் (2), ஹாக் (5), பிரட் லீ (2), ஜான்சன் (0) ஆகியோர் வந்த வேகத்தில் பெவிலியன் திரும்பினர்.

இதன் பின் 237 ரன்கள் எடுத்தால் வெற்றி என்ற இலக்குடன் களம் புகுந்ந்த இலங்கை, 45.3 ஓவர்களில் 173 ரன்களுக்கு சுருண்டது. சிறப்பாக விளையாடி 80 ரன்கள் குவித்த சங்ககராவைத் தவிர மற்றவர்கள் சோபிக்கத் தவறினர்.

ஆஸ்திரேலிய தரப்பில் பிராக்கென், ஜான்சன் ஆகியோர் தலா 3 விக்கெட்டுகளையும், ஹாக் 2 விக்கெட்டுகளையும், பிரட் லீ, ஹோப்ஸ் ஆகியோர் தலா ஒரு விக்கெட்டையும் கைப்பற்றினர்.

சொந்த மண்ணில் சாதனை சதம் அடித்த கில்கிறிஸ்ட், ஆட்டநாயகனாக அறிவிக்கப்பட்டார்.

இவ்வெற்றி மூலம் ஆஸ்திரேலியா 12 புள்ளிகளுடன் பட்டியலில் முதலிடத்தில் உள்ளது. இந்தியா 2ம் இடத்திலும் (8 புள்ளிகள்) , இலங்கை (6) 3ம் இடத்திலும் உள்ளன.

இத்தொடரின் அடுத்த போட்டி, இந்திய- ஆஸ்திரேலிய அணிகளுக்கு இடையே வரும் 17ம் தேதி பெர்த் நகரில் நடைபெறுகிறது.

வெற்றி எப்.எம். ஒலிபரப்பு ஆரம்பம்



வெற்றி எப்.எம். பரீட்சார்த்த ஒலிபரப்பு ஜனவரி மாதம் முதல் ஆரம்பித்து தற்போது ஒலிபரப்பாளர்களின் குரல்களுடன் பாடல்களை வழங்க ஆரம்பித்திருக்கிறது. வெற்றி எப்.எம் தற்பொழுது கொழும்பில் தனது சேவையை ஆரம்பித்துள்ளது. இன்னும் ஓரிரு வாரங்களில் இணையதளத்திலும் வெகுவிரைவில் தனது ஒலிபரப்பை இலங்கை முழுவதும் ஆரம்பிக்கவுள்ளது.
நேயர்கள் தற்போது கொழும்பிலும் அதனை அண்டிய பிரதேசங்களிலும் 99.6 எப்.எம். அலைவரிசையில் வெற்றி எப்.எம். ஒலிபரப்பை கேட்டு மகிழலாம். முற்றிலும் வித்தியாசமான நிகழ்ச்சிகளையும் புத்தம்புதிய பாடல்களையும் விரைவில் எதிர்பார்க்கலாம்.
இலங்கையில் முதன்முறையாக புதிய தொழில்நுட்பத்துடன் வெற்றி எப்.எம். இது உங்கள் வெற்றி பொழுதுபோக்கின் வெற்றி.....